سلائی مشین کا استعمال اب تقریباً زیادہ تر گھرانوں میں خواتین کرتی ہیں اور گھروں میں سلائی کرکے اچھا معاوضہ کما لیتی ہیں لیکن مشین میں ہونے والی خرابیاں اور چھوٹے چھوٹے پرزوں کی صاف صفائی کروانے میں کاریگر ان سے پیسے بٹور لیتے ہیں جس کی وجہ سے نفع کم ہی ہوتا ہے۔ مشین میں چونکہ اب الیکٹرک موٹر لگائی جاتی ہے تاکہ جلدی کپڑے سل سکیں مگر اس موٹر کا ایک سب سے چھوٹا مسئلہ یہ ہے کہ اس میں لگنے والا بیلٹ نکل جاتا ہے یا پھر وہ زیادہ چلنے کی وجہ سے درمیان سے ٹوٹ جاتا ہے جس کی وجہ سے مشین کو اٹھا کر بازار لے جانا پڑتا ہے۔ مگر اب آپ کی یہ مشکل آسان ہوگی، جانیے گھر بیٹھے کیسے آپ یہ کام خود کرسکتے ہیں۔
ٹپ:
٭ سب سے پہلے آپ مشین کے اوپری حصے پر موجود پہیے کے درمیان میں موجود ایک نشان جوکہ پیچ کا ہوتا ہے اس پر پیچ کس رکھیں اور ہلکے سے اس کو گھمائیں اگر وہ نکل جائے گا تو آسانی سے اندر کی جانب موجود پیچ بھی نکل جائے گا اور یوں پہیہ نکل جائے گا اب اس میں بیلٹ فکس کرکے سارے پیچ کو دوبارہ ٹائٹ کردیں۔ اگر طریقہ سمجھ نہیں آیا تو یہ ویڈیو بھی دیکھ لیں:
