گرمی کے موسم کی ابتداء ہوچکی ہے اور مارکیٹ میں اے سی کی ڈیمانڈ حد سے زیادہ بڑھ گئی ہے۔ ایسے میں بجلی کا بل بھی آنکھیں دکھا دیتا ہے، ظاہر ہے اے سی کا استعمال ہو اور بجلی کا بل دگنا نہ آئے یہ تو ممکن نہیں ہے، بہرحال اے سی کا متبال بھی مارکیٹ میں دستیاب ہے۔ جب سستا آپشن آپ کے پاس موجود ہے تو مہنگے داموں کے اے سی یا انورٹر اور سپلٹ پر کیوں جائیں۔
اے سی کی جگہ ایئر کولر بھی آپ خرید سکتے ہیں جو کم والٹیج میں ٹھنڈک بھی دیتا ہے اور اسکو چارج کرکے رکھ لیا جائے تو لائٹ کے بناء بھی کچھ دیر تک آپ گرمی سے بچ سکتے ہیں۔ جاپانی ٹیکنالوجی کے بہترین ایئرکولر اب دستیاب ہیں جو 27 ہزار تک میں آرام سے آپ کو کسی بھی الیکٹرانک مارکیٹ سے مل جائیں گے۔
ایئرکولر کی قیمت 5 ہزار سے شروع ہے لیکن جو چارجنگ ایئرکولر اس وقت بازار میں دستیاب ہیں ان کی قیمت تقریباً 30 ہزار تک بھی ہے کیونکہ یہ خاص جاپانی ڈوئل ٹیکنالوجی سے بنائے گئے ہیں۔
