گھر میں موجود لال بیگ ایک ایسی مخلوق ہے جس سے جتنا چھٹکارہ حاصل کرنا چاہو وہ جان نہیں چھوڑتے ہیں، رات گئے کچن میں جاؤ تو پہلے آپ کا استقبال کرنے کیلیئے کھڑے ہوتے ہیں۔ انھیں بھگانے کیلیئے لوگ ہزارون روپے کی دوائیوں کا استعمال کرتے ہیں لیکن کچھ وقت بعد یہ واپس آجاتے ہیں۔
اور صرف یہی نہیں بلکہ کبھی چوہے تو کبھی چھپکلیاں بھی آجاتی ہیں، اگر آپ بھی ان سے پریشان ہیں تو بس یہ ٹپ کا استعمال آپ کی ان مشکلات کو دور کرسکتا ہے۔
لال بیگ کو بھگانے کیلیئے:
لال بیگ کو بھگانے کے لئے چار لیموں کو دھو لیں اور ان کو چھلکوں سمیت بلینڈر میں ڈال کر آدھا گلاس پانی ڈالیں اور بلینڈ کر لیں۔ ساتھ ہی اس میں بیکنگ پائوڈر شامل کرلیں لیجیئے تیار ہے آپ کا لال بیگ بھگائو جوس۔۔ جس جگہ زیادہ لال بیگ نظر آئیں وہیں اس پر سپرے کر دیں لیجیئے بھاگ جائیں گے تمام لال بیگ۔
چیونٹی و دیگر حشرات بھگانے کیلیئے:
چیونٹیاں تو کہیں سے بھی نکل آتی ہیں ان کے لیئے آپ ایک لیموں کو کاٹ لیں اور اس کا رس نکال کر الگ کر لیں اب اس خالی لیموں پر کالی مرچ چھڑک دیں اور کو اس جگہ رکھ دیں جہاں سے آپ کو زیادہ چیونٹیاں نظر آئیں۔ بھاگ جائیں گی یہ بھی آپ کے گھر سے۔
