اب چائے کا ہوٹل چلا رہی ہیں کیونکہ ۔۔ ماضی کی خوبصورت اداکارائیں، جو اب بالکل بدل گئیں، دیکھیے

پاکستان کی مشہور اداکارائیں جنہوں نے اپنے وقت میں بے مثال اداکاری کا مظاہرہ کیا، اب ٹی وی کے پردے سے غائب ہیں۔

آج ہم آپ کو انھی چند مشہور اداکاراؤں سے متعلق بتائیں گے۔

بدر خلیل

ماضی کی مشہور اداکارہ جنہوں نے اپنی جوانی سے بڑھاپے تک شوبز میں بہترین کرداروں کو نبھا کر اس بات کو ثابت کیا کہ عمر کچھ بھی ہو، کردار جوان رہتا ہے۔

پی ٹی وی کے دور سے لے کر آج پرائیوٹ ٹی وی چینلز کے دور میں بھی بدر خلیل نے اپنی اہمیت کا احساس دلائے رکھا۔ سنجیدہ اداکاری کے ساتھ ساتھ ان کے مزاحیہ کردار نے بھی ان کے منفرد شخصیت کو ابھارا، قدوسی صاحب کی بیوہ میں ان کا کردار ناظرین کو بھا گیا تھا۔

تاہم پرو پاکستانی کی رپورٹ کے مطابق بدر خلیل شوبز کے ناروا سلوک پر افسردہ ہو گئی تھیں۔ ان کا کہنا تھا کہ شوبز میں اتنا عرصہ رہ چکی ہیوں، میں کسی کا نام نہیں لوں گی، میرے لیے اب یہاں عزت نہیں ہے۔ مجھے غلط نہ سمجھیے، عوام اور ناظرین نے مجھے بے حد پیار دیا، مگر ٹی وی چینلز اور انڈسٹری نے نہیں دی۔

اس وقت بدر خلیل ڈراموں میں بہت کم دکھائی دیتی ہیں، عین ممکن ہے کہ اب وہ اپنے بچوں کے ساتھ وقت بتا رہی ہوں اور نجی زندگی میں مگن ہوں۔

سویرا ندیم

15 سال کی عمر میں اداکاری کرنے والی سویرا ندیم نے میرے پاس تم ہو میں جاندار کردار کی وجہ سے ایک بار پھر شہرت حاصل کی تھی۔ تاہم 1989 میں کرن ڈرامے میں پہلی بار اداکاری کی تھی، جس کے بعد ناظرین کی فرمائش بن گئی تھیں اور ڈائریکٹرز کی ضرورت۔ پی ٹی وی کے دور میں شہرت حاصل کرنے والی اداکارہ نے ایک بار پھر پاکستانی ناظرین کی توجہ حاصل کر لی تھی۔

ایک عرصے تک غائب رہنے والی اداکارہ نے جب میرے پاس تم ہو میں اینٹری دی، تو بطور اہلیہ سامنے آئیں، لیکن ناظرین نے انہیں لیڈ رول کے طور پر ہی لیا۔

غزل صدیقی

مشہور ڈرامے ماروی سے اپنی اہمیت اور بہترین اداکارہ کے طور پر توجہ حاصل کرنے والی غزل صدیقی کا شمار ان چند اداکاراؤں میں ہوتا تھا جوکہ سر سے دوپٹہ ہٹنے نہیں دیتی تھیں۔

غزل صدیقی کے اخلاق، ان کی پہچان ان کا کردار تھا جو کہ سب کو ان کا گرویدہ بنا دیتے تھے۔

تاہم اب غزل صدیقی سوشل میڈیا پر کافی توجہ دے رہی ہیں، میزبان کے طور پر کام بھی خوب سب کی توجہ حاصل کر رہی ہیں۔ گھریلو زندگی کی وجہ سے کئی سال تک غزل شوبز سے کٹ کر رہی گئی تھیں، تاہم اب سوشل میڈیا پر فعال ہیں۔

ہما نواب

14 عرص سے زائد پاکستانی ڈرامہ انڈسٹری میں اپنی اداکاری سے ناظرین کی توجہ حاصل کرنے والی ہما نواب اب دادی نانی کا کردار نبھاتی دکھائی دیتی ہیں۔ جبکہ والدہ کے کردار بھی بخوبی نبھا رہی ہیں۔

جس طرح ماضی میں ہما کردار کو چاہے پھر سنجیدہ ہو یا پھر دلچسپ، ہر کردار کو بخوبی نبھاتی تھیں، اب بھی ناظرین کی آنکھ کا تارہ ہیں۔ 2016 میں ڈرامے ہمنوا کی وجہ سے بھی انہوں نے سب کی توجہ حاصل کی۔

زاہدہ پروین

ماضی کی مشہور اداکارہ زاہدہ پروین اگرچہ اُس طرح مقبول نہ تھیں، تاہم شوبز میں ایک وقت گزار چکی ہیں۔

تاہم ان پر شوبز سے زوال کچھ اس طرح آیا کہ دوبارہ اٹھ نہ سکیں، کراچی کے علاقے ناظم آباد میں سیرینہ مارکیٹ کے سامنے اداکارہ زاہد پروین موجود ہوتی ہیں، بچوں کو سنبھالنے والا بھی کوئی نہیں تھا، جس کی وجہ سے مجھے مجبورا انڈسٹری کو چھوڑنا پڑا۔ سابقہ اداکارہ بتاتی ہیں کہ مہنگائی کی وجہ سے میں نئے کپڑے نہیں خرید پاتی تھی، جس کی وجہ سے یہ ذریعہ معاش بچوں کی خاطر چُنا۔

اداکارہ نے بتایا کہ 2 سال پہلے ایک حادثہ ہوا تھا جس کی وجہ سے میرا کندھا متاثر ہوا اور میں کوئی بھاری چیز نہیں اٹھا سکتی ہوں، جبکہ بیماریوں نے بھی رہی سہی کسر پوری کی۔ سابقہ اداکارہ زاہدہ پروین کا کہنا تھا کہ یہ سب اللہ کی آزمائش ہے، بچوں کی کفالت کرنی ہے، ہزاروں کا خرچہ ہوتا ہے، زاہدہ اگرچہ مشکل وقت سے گزر رہی ہیں لیکن اللہ پر بھروسہ رکھتے ہوئے اپنی ہمت کو ٹوٹنے نہیں دے رہی ہیں۔

اداکارہ نے مزید بتایا کہ میرے پہلے شوہر کی موت کے بعد سسرالیوں نے بہت تشدد کیا تھا، میرے پہلے شوہر کے دوست نے بے حد مدد کی۔ اگرچہ زاہدہ اس وقت افسردہ ہیں لیکن مایوسی کو قریب بھی نہیں آنے دے رہی ہیں۔