کیا یہ حافظِ قرآن ہیں؟ پاکستان کی وہ مشہور شخصیات جنھوں نے قرآن حفظ کیا ہوا ہے

قرآن حفظ کرنا کوئی آسان بات نہیں ہے، اسلیئے ہمارے یہاں جو بچے یا نوجوان قرآن حفظ کرتے ہیں انھیں عزت کی نگاہ سے دیکھا جاتا ہے اور انھیں ذہین تصور کیا جاتا ہے جو کہ حقیقت بھی ہے۔

حافظ قرآن صرف عام گھرانوں اور میں ہی موجود نہیں ہیں بلکہ میڈیا انڈسٹری اور اسپورٹس کے شعبے سے تعلق رکھنے والے کھلاڑیوں میں بھی حافظ قرآن موجود ہیں۔

آج ہم آپ مشہور شخصیات کے بارے میں بتائیں گے جو قرآن حافظ ہیں اور یہ بات بہت کم لوگ ہی جانتے ہیں۔

غنا علی

پاکستانی شوبز سے تعلق رکھنے والی معروف اداکارہ غنا علی اپنی شادی کے بعد سے اکثر سوشل میڈیا پر متحرک دکھائی دینے لگی ہیں۔ غنا علی سے متعلق حال ہی میں انکشاف سامنے آیا کہ وہ حافظ قرآن بھی ہیں۔ دو روز قبل اداکارہ کی جانب سے انسٹاگرام پر سوال و جواب کا ایک سیشن رکھا گیا جہاں ان کے پرستاروں نے اداکارہ سے مختلف سوالات کیے۔

ایک صارف نے پوچھا کہ کیا آپ حافظِ قرآن ہیں؟ اداکارہ نے جواب دیا کہ جی ہاں! میں ہوں۔

سعید اجمل

قومی کرکٹ ٹیم کے سابق کھلاڑی سعید اجمل کا شمار ان کھلاڑیوں میں ہوتا ہے جو حافظ قرآن ہیں۔ سابق کرکٹر اکثر دینی محافل میں شرکت کرتے دکھائی دیتے ہیں اور مذہب کو کافی فوقیت دیتے ہیں۔

سعود قاسمی

پاکستانی فلمی اداکار سعود قاسمی میزبان اور ڈرامہ پروڈیوسر بھی ہیں۔ انہوں نے اداکارہ جویریہ سے شادی کی ہے۔ ساتھ ہی مذہب کو کافی فالو کرتے ہیں۔ ان کے چچا قاری وحید ظفر ایک مشہور نعت خواں ہیں جبکہ سعود قاسمی حافظ قرآن ہیں۔

سرفراز احمد

پاکستان کرکٹ ٹیم کےسابق کپتان سرفراز احمد سے ہر کوئی واقفیت رکھتاہے۔ سابق کپتان اکثر دینی محافل نعتِ رسول مقبول ﷺ پڑھتے دکھائی دے چکے ہیں اور بہت خوبصورت قرآن کی تلاوت بھی کرتے ہیں۔ سرفراز احمد بھی حافظ قرآن ہیں اور ہر کوئی ان کی انفرادیت سے واقف ہے۔

شفقت چیمہ

شفقت چیمہ پاکستانی فلم انڈسٹری کا جانا مانا نام اور ولن کے کردار سے شہرت حاصل کرنے والے اداکار شفقت چیمہ کے بارے میں بھی بہت کم لوگ جانتے ہونگے کہ انہوں نے بھی قرآن پاک حفظ کر رکھا ہے اور اس بات کا انکشاف اداکار نے ایک ٹی وی پروگرام میں کیا تھا۔