وکس ایک ایسا عام بام ہے جو گھر گھر میں موجود ہوتا ہے۔ نیلے رنگ کی چھوٹی سی پلاسٹک کی بوتل میں موجود اس بام کے فائدوں سے بچہ بچہ واقف ہوتا ہے۔ لیکن کیا آپ جانتے ہیں کہ وکس کو پاؤں میں لگانے سے آپ سردی کے کتنے مسائل سے چھٹکارا حاصل کرسکتے ہیں؟ تو چلیے آپ کو بتاتے ہیں
پھٹی ایڑیاں
وکس میں چونکہ پیٹرولئیم جیلی بڑی مقدار میں موجود ہوتی ہے اس لئے اسے پھٹی ایڑیوں پر بھی لگایا جاسکتا ہے۔ اگر سونے سے پہلے وکس ایڑیوں پر لگا لی جائے تو یہ رات بھر مرہم کی طرح کام کرے گی۔سینے کو آرام ملتا ہے
کیا وکس پیروں میں لگانے سے بلغم کم ہوتا ہے؟
رات کو سونے سے پہلے تلووں پر وکس کی مالش سے سینے میں موجود بلغم کم محسوس ہوتا ہے اور سانس لینے میں دشواری کا عمل آسان ہوجاتا ہے۔ دراصل وکس مختلف جڑی بوٹیوں سے بنا ہوا ایک بام ہے جو خوشبو کے زریعے سینے میں جاکر سینے کو گرمائش پہنچاتا ہے۔ پیر میں وکس لگانے سے پیروں کو سکون ملتا ہے۔ تاہم وکس کو پیر میں لگانے سے سینے کی تکلیف کم ہونے کے حوالے سے فی الحال کوئی تصدیقی رپورٹ نہیں آئی ہے۔
تھکن میں آرام
پیروں پر وکس لگانے سے تھکے ہوئے اور درد کرتے پیروں کو آرام ملتا ہے جس سے اچھی نیند لانے میں بھی مدد ملتی ہے۔
پیروں کی جلن بھی کم ہوتی ہے
وکس میں شامل مینتھول اور کیمفور جیسے اجزاء اس کا ٹھنڈا تاثر پیدا کرتے ہیں۔ اگر پیروں میں گرمی یا جلن ہو تو تھوڑی سی وکس سے اس جلن میں آرام محسوس ہوتا ہے۔
وکس کی ایک خوبی اینٹی الرجی اور اینٹی وائرل ہونا بھی ہے اس کے ساتھ ہی کچھ تحقیقی مشاہدوں میں اسے مچھروں کے خلاف پر اثر بھی دیکھا گیا ہے۔
