مدینہ میں ایک ایسی جڑی بوٹی ملتی ہے جس کو حمل کے لیے استعمال کیا جاتا ہے یعنی وہ لوگ جن کے ہاں اولاد نہیں ہوتی ان کو یہ بوٹی تحفے میں دے جاتی ہے اور یہ کہا جاتا ہے کہ اس کو پانی میں بھگو کر چھوڑ دو جس دن یہ پورا پھول کھل گیا اس دن امید ہے کہ بچے کی ولادت ہو جائے گی۔ کچھ لوگوں کے ہاں نصیب سے ایسا معجزہ ہو جاتا ہے اور کچھ جوڑے خُدا کی اس نعمت کے لیے سالہا سال انتظار کرتے ہیں۔
آج آپ کو مریم بوٹی کے فائدے کے بارے میں آپ کو بتاتے ہیں جو کہ اکثر خواتین حاملہ ہونے کے دوران استعمال کرتی ہیں۔ مریم بوٹی کو مریم کا پھول بھی کہا جاتا ہے۔ مریم بوٹی کو انگریزی اور سائنسی زبان میں Anastatica کہا جاتا ہے اور یہ صحرا کے بنجر علاقوں میں پایا جاتا ہے۔ جس میں ایران، عراق اور پاکستان جیسے ممالک بھی شامل ہیں لیکن یہ سعودی عرب میں مکہ اور مدینہ میں آرام سے مل جاتی ہے اور زیادہ تر لوگ اس کو وہاں سے منگواتے یا خریدتے ہیں۔
مریم بوٹی میں کیلشیم، میگنیشیم ، پوٹاشیم اور آئرن بھی پایا جاتا ہے اور کئی ممالک میں اس کا پاؤڈر شہد اور زیتون کے تیل کے ساتھ آنکھوں کے دیگر مسائل کے علاج کے طور پر استعمال کیا جاتا ہے۔
جبکہ پاکستان اور ملائشیا میں عموماً خواتین اس کا استعمال بچے کی پیدائش کے دوران کرتی ہیں تاکہ لیبر پین میں کمی لائی جاسکے۔
* مریم بوٹی لیبر کے درد کو کم کرنے کے ساتھ نارمل ڈلیوری کے چانسس بڑھاتی ہے۔
* اس کو استعمال کرنے کا طریقہ نہایت آسان ہے۔جب بھی حاملہ خواتین کو لیبر پین شروع ہوجائے تو ایک پیالے میں پانی لیں۔
* اب اس میں مریم بوٹی کو بھگو دیں۔
* اب اس پانی کو آرام آرام سے پئیں۔
* کچھ دیر بعد یہ بوٹی بڑھنے لگے گی۔
* جب تک بچے کی پیدائش نہ ہوجائے اسی پیالے سے پانی پیتی رہیں اور پانی ختم ہونے کی صورت میں دوبارہ اس پیالے میں پانی شامل کرتی رہیں۔
* بچے کی پیدائش کے بعد جو پانی پچ جائے اس کو پودوں میں ڈال دیں اور اس بوٹی کو خشک کر کے دوبارہ استعمال کے لیے سنبھال کر رکھ لیں۔
پاکستان میں کہاں سے ملے گی؟
صدر بازاروں میں بڑی پنسار کی دکانوں پر یہ مریم بوٹی دستیاب ہے لیکن اس کو اکثر و بیشتر لوگ مدینہ سے خالص منگواتے ہیں۔
