آج کل ہمارے کھانے پینے اور رہن سہن میں اتنا بگاڑ آگیا ہے کہ اس کا سیدھا سیدھا اثر ہماری صحت اور جسم پر پڑتا ہے۔ خاص کر خواتین میں موٹاپے کی شرح بڑھتی جارہی ہے، اور لاکھ کوشش کے بعد بھی وزن پر زیادہ کوئی فرق نظر نہیں آتا۔
جسم میں موجود چربی میں سے ایک پیٹ کی چربی ہے جو نہایت ہی ضدی ہوتی ہے اور اسے کم کرنا بہت کم مشکل ہے، اسے ویسیرل چربی کے نام سے بھی جانا جاتا ہے۔ پیٹ کے ارد گرد اس قسم کی چربی کئی بڑی بیماریوں کو جنم دیتی ہے جن میں ذیابیطس، دل کی بیماریاں اور دیگر دائمی بیماریاں شامل ہیں۔
سردیوں میں، سستی کی وجہ سے ورزش کرنا تھوڑا مشکل ہو سکتا ہے اور بہت سی غذائیں بھی وزن میں اضافے کا باعث بن سکتی ہیں۔ اگرچہ سردی کے مہینوں میں پیٹ کی ضرورت سے زیادہ چربی کو کم کرنا مشکل ہے لیکن آیوروید کے بتائے ہوئے چند طریقوں کی مدد سے اسے کم کیا جاسکتا ہے۔
آیوروید کے مطابق
گرم پانی:
اپنے دن کا آغاز گرم پانی پی کر کریں کیونکہ یہ میٹابولزم کو بڑھاتا ہے اور پیٹ پھولنے سے روکنے میں مدد کرتا ہے۔ دن بھر میں جب بھی آپ کو پیاس محسوس ہو آپ گرم پانی پی سکتے ہیں۔ یہ نہ صرف پیٹ بلکہ دوسرے حصوں سے بھی چربی کو کم کرنے میں کافی مددگار ہے۔
میتھی دانے کا پانی:
پچھلے سال، آیورویدک پریکٹیشنر ڈاکٹر شیام وی ایل نے خصوصی میتھی کے پانی کے بارے میں انسٹاگرام پر ایک پوسٹ شیئر کی۔ جس میں انھوں نے بتایا کہ، آپ بھنی ہوئی میتھی کے بیجوں کا باریک پاؤڈر کھا سکتے ہیں اور اسے پانی میں ملا کر بھی پی سکتے ہیں۔ یہ مشروب صبح خالی پیٹ پی لیں۔ آپ میتھی کے دانوں کو رات میں بھگو کر صبح میں اسکا پانی پی کر دانے بھی کھا سکتے ہیں۔
خشک ادرک
آپ خشک ادرک بھی کھا سکتے ہیں، جو میٹابولزم کو بڑھاتا ہے۔ خشک ادرک کے پاؤڈر کو ابلے ہوئے پانی میں ملا دیں۔ یہ مشروب چربی کو جلانے میں مدد دے سکتا ہے۔
تیز چلنا:
کمر کی سخت بیلٹ پہنیں اور 30 منٹ تک تیز چہل قدمی کریں۔ یہ پیٹ کی چربی جلانے کا ایک مؤثر طریقہ ہے۔ اس کے علاوہ، پیلیٹس میں چربی کو کم کرنے والے نظام بھی ہوتے ہیں۔
یوگا:
یوگا چربی کو کم کرنے کا ایک آسان طریقہ ہے۔ آپ کو صرف یوگا چٹائی کی ضرورت ہے اور 12 سوریانمسکار اور کپل بھتی پرانائم کریں، جو خون کی گردش اور ہاضمہ کو بہتر بناتا ہے۔
