آنکھوں کی خوبصورتی میں پلکوں کا بہت اہم کردار ہوتا ہے کیونکہ لمبی اور گھنی پلکوں کو حسن کی علامت مانا جاتا ہے۔ آج کل ہر چیز مصنوعی ہوگئی ہے ایسے میں نقلی پلکیں لگانا یا پھر انھیں بڑھانے کیلیئے ٹریٹمنٹ کروانا بہت عام ہوگیا ہے۔ لیکن چونکہ ہر کوئی ٹریٹمنٹ کا خرچہ برداشت نہیں کرسکتا نہ ہی ہر وقت نقلی پلکیں لگا کر گھوم سکتا ہے، تو ایسے میں کیا کیا جائے؟
آپ کے اس مسئلے اور خواہش کا حل اب ڈاکٹر بلقیس نے بتادیا، آئیے آپ کو بتاتے ہیں کہ قدرتی طور پر پلکوں کو لمبا گھنا اور خوبصورت بنانے کیلیئے آپ کو کیا کرنا ہوگا۔
پلکیں بڑھانے کا طریقہ:
۔ مسکارا ختم ہوجائے تو اس کا برش نکال کر دھولیں، اور اس برش سے روزانہ رات میں 5 منٹ تک اپنی پلکوں کی کنگھی کریں، یہ ایک قسم کی ورزش ہوتی ہے۔
۔ برش کرنے کے بعد ایلوویرا کے پتّے کا تھوڑا سا جیل ہاتھ میں لے کر اپنی شہادت والی انگلی کی مدد سے پلکوں کی مساج کریں۔
۔ اسکے بعد زیتون کے تیل سے اور آخر میں کیسٹر آئل سے پلکوں اور آنکھوں کے گرد مساج کریں۔
۔ ان تینوں چیزوں سے تین تین منٹ الگ الگ مساج کرنی ہے۔
فائدہ:
اس طریقہ کار پر عمل کرنے سے نہ صرف آپ کی پلکیں بڑھیں گی بلکہ ان کا جھڑنا بھی بند ہوجائے گا، اسکے ساتھ ساتھ اگر آپ کو پلکوں میں خشکی کی شکایت رہتی ہے تو اس سے وہ بھی ٹھیک ہوجائے گی۔
