کامیابی کا کوئی شارٹ کٹ نہیں ہے اور وزن کم کرنے کے سفر پر بھی یہی بات لاگو ہوتی ہے۔ کئی بار، تیزی سے وزن کم کرنے کیلیئے اپنے جوش میں ہم فضول غذاؤں کا شکار ہو جاتے ہیں، انتہائی کیلوری کی کمی کو اپناتے ہیں یا سپلیمنٹس اور سٹیرائیڈز کے استعمال کا بدتر طریقہ اختیار کرتے ہیں۔ یہ آپ کو کچھ کلو وزن جلد کم کرنے میں تو مدد دے سکتے ہیں لیکن نتائج طویل مدت کیلیئے پائیدار نہیں ہوں گے۔
اہم بات یہ ہے کہ اگر آپ وزن کم کرنے کے خواہاں ہیں تو کچھ ایسی چیزیں ہیں جن سے آپ کو پرہیز کرنا چاہیے اور یہاں ہم آپ کو اسی کے بارے میں بتا رہے ہیں۔
چکنائی سے پاک غذا:
چربی سے پاک غذا وزن کم کرنے والوں کو پرکشش لگ سکتی ہے، لیکن افسوس کی بات یہ ہے کہ یہ سب سے عام غلطیوں میں سے ہے جو لوگ اپنے وزن میں کمی کے سفر میں کرتے ہیں۔ کاربوہائیڈریٹس اور پروٹین کے ساتھ چربی کا شمار ان میکرونیوٹرینٹس میں ہوتا ہے جو ہمارے جسم کو اس کے مناسب کام کے لیے درکار ہوتے ہیں۔ اس کے علاوہ، ہمارے جسم کو وٹامنز اور معدنیات کی ایک رینج کو جذب کرنے کے لیے چربی کی ضرورت ہوتی ہے جس میں وٹامن اے، کے اور ڈی شامل ہیں۔ اب آپ آسانی سے تصور کر سکتے ہیں کہ مکمل طور پر چکنائی سے پاک غذا کی صورت میں آپ اپنے آپ کو نہ صرف توانائی بلکہ ضروری وٹامنز اور مائیکرو نیوٹرینٹس سے بھی محروم کر دیں گے۔
ضرورت سے زیادہ بھوکا رہنا:
ضرورت سے زیادہ بھوکا رہنا نہ صرف جسمانی تندرستی کو نقصان پہنچاتا ہے بلکہ آپ کے جسم کو ذہنی اضطراب اور کھانے کے رویے کی خرابی کا باعث بن سکتا ہے۔ یہ طریقہ وزن میں کمی کے لیے پائیدار نہیں ہے اور اگر اسے وقتاً فوقتاً اپنایا جائے تو یہ سنگین مسائل کا باعث بن سکتا ہے۔ جیسے کہ بھوک کا مرجانا، کھانے کے انتخاب کا خوف، اور دوسروں کے درمیان نفسیاتی مسائل۔ انتہائی فاقہ کشی نظام ہضم میں مستقل تبدیلی کا باعث بھی بن سکتی ہے اور آپ کے میٹابولزم کو سست کر سکتی ہے۔
متوازن غذا کا فقدان:
ایک متوازن غذا میں میکرو نیوٹرینٹ اور مائیکرو نیوٹرینٹ دونوں اجزاء ہوتے ہیں جو اچھی طرح درجہ بندی کے تناسب میں تقسیم ہوتے ہیں۔ جب کہ میکرونیوٹرینٹس جسم کے لیے ایندھن کا کام کرتے ہیں، مائیکرو نیوٹرینٹس جسم کی صحت مند نشوونما اور جسم اور دماغ کی مجموعی فلاح و بہبود کے لیے بیماریوں سے بچاؤ کے لیے ضروری ہیں۔ بہت سے لوگ وزن کم کرنے کی جستجو میں کاربوہائیڈریٹ سے پرہیز کرتے ہیں حالانکہ اس اہم میکرو نیوٹرینٹ کے استعمال کو محدود کرنے سے توانائی کی شدید کمی، سر درد اور تھکاوٹ کے ساتھ ساتھ دیگر مسائل بھی پیدا ہوسکتے ہیں۔ یاد رکھیں، اگر آپ صحت مند وزن کو زندگی بھر برقرار رکھنا چاہتے ہیں، تو آپ اچھی طرح سے متوازن غذا کے ساتھ ایسا نہیں کر سکتے۔
غیر حقیقی توقعات:
غیر حقیقی اہداف کا تعین کرنا جیسے کہ ایک ہفتے میں 10 فیصد وزن کم کرنا آپ کے خلاف کام کر سکتا ہے۔ ہم اس بات سے اتفاق کرتے ہیں کہ چیلنجنگ اہداف حوصلہ افزائی کرتے ہیں لیکن اس بات کو ذہن میں رکھیں کہ توقعات کا بوجھ آپ کو پریشان کرسکتا ہے۔ اسلیئے عقلمندی ہوگی اگر آپ قابل عمل اہداف مقرر کریں جیسے کہ پندرہ دن میں 1-2 کلو وزن کم کرنا۔ اس سے آپ کو اپنے مقصد کو حاصل کرنے میں مدد ملے۔
