آج کے دور میں سوشل میڈیا کا ستعمال اتنا عام ہوگیا ہے کہ ہم جس بھی اداکار کو چاہیں آرام سے دیکھ سکتے ہیں اور وہ اپنی کی زندگی میں کیا کر رہے ہیں ان کا طرزِ زندگی کیا ہے سب کچھ با آسانی پتی چلا جاتا ہے۔ ایک طرف جہاں اداکار فیشن کو پروموٹ کرتے ہیں وہیں دوسری طرف وہ اپنے مداحوں سے اپنی روزمرہ کی زندگی اور سماجی پیغام بھی شئیر کرتے ہیں۔
چونکہ عام لوگوں کے مقابلے مشہور اداکاراؤں کے زیادہ مداح ہوتے ہیں اسلیئے ان کی کوئی بھی بات یا عمل کو عوام آسانی سے اپنا لیتی ہے۔
جیسے کہ خواتین اپنے گھر میں جھاڑو پونچھا تو روزہی کرتی ہیں، جن میں کچھ بیٹھ کر جھاڑو دیتی ہیں تو کچھ کھڑے ہو کر، خاص طور پر شادی شدہ عورتوں کو جب انکی ساسیں یہ کہتی ہیں کہ ذرا صفائی سے جھاڑو مارو، بیٹھ کر جھاڑو دو، کیا اوپر اوپر سے صفائی کر رہی ہو وغیرہ وغیرہ تو ان باتوں کو ہمارے ہاں خواتین بُرا سمجھنے لگتی ہیں۔ جبکہ یہی چیز کوئی اداکارہ کرلے تو وہ اسے فوراً اپنا لیتی ہیں۔
آج ایسی ہی کچھ خواتین کے لئے ہم نے جمع کیئے ہیں کچھ ایسے سائنسی حقائق جسے پڑھ کر کہ وہ جھاڑو بھی بیٹھ کر لگائیں گی اور کوئی کہے بھی تو وہ کبھی بُرا بھی نہیں مانیں گی۔
بیٹھ کر جھاڑو لگانے کے فائدے:
۔ بیٹھ کرجھاڑو لگانے سے خواتین کو کبھی بھی ریڑھ کی ہڈی کی بیماری یا تکلیف لاحق نہیں ہوتی، کیونکہ جب آپ بیٹھ کر جھاڑو د ے رہی ہوتی ہیں تو اس وقت آپ کا سارا جسم ایک خاص سمت میں حرکت کر رہا ہوتا ہے جس میں ریڑھ کی ہڈی اور کمر کے مہرے بھی حرکت کھاتے ہیں۔ اس کی وجہ سے ان کے درمیان ہونے والے تمام تر گیپ یا خالی جگہیں بالکل پُر ہو جاتی ہیں اور یہ اپنا کام صحیح سے سرانجام دیتے ہیں۔
۔ خواتین کو گٹھنوں کے درد کی شکایت رہتی ہے، ایسے میں بیٹھ کر جھاڑو دینے سے آپ کے گھٹنوں فلوئیڈ رگڑ کھاتا ہے اور اس میں مذید لیس دار مادہ پیدا ہونے کے امکانات بڑھتے ہیں جس سے یہ درد کم کیا جا سکتا ہے۔
۔ اکثر خواتین کا یورک ایسڈ حد سے زیادہ بڑھ جاتا ہے جس کی وجہ سے ڈاکٹر انہیں ڈھیروں دوائیاں کھانے کو دیتے ہیں، اگر آپ اس سے بچنا چاہتی ہیں تو روزانہ بیٹھ کر جھاڑو لگائیں، اس حالت میں جسم سے یورک ایسڈ خآرج ہونے کے امکانات بڑھ جاتے ہیں۔
۔ وہ خواتین جن کا جسم کسی کی وجہ سے کہیں سے بھی سوج گیا ہے یا پیٹ کا نچلا حصہ نکل گیا ہے اور موٹاپا آگیا ہے ان کے لئے بیٹھ کر جھاڑو لگانا سب سے زیادہ مناسب اور فائدے مندہ ہے۔
۔ مینوپاز کی تکلیف سے بھی جان چھڑائی جاسکتی ہے اور حمل کے وقت ہونے والی تکلیف میں کسی حد تک کمی ہوتی ہے۔ ایک بیٹھ کر جھاڑو لگانے سے اتنے فائدے ہیں تو اب سے آپ بھی یہ کام کرنا شروع کردیں۔
